kabk o qumri mein hai jhagda ki kis ka hai
kal bata degi khizan ye ki watan kis ka hai
faisla gardish-e-dauran ne kiya hai sau baar
marw kis ka hai badakhshaan o khutan kis ka hai
dam se yoosuf ke jab aabaad tha yaaquoob ka ghar
charkh kahta tha ki ye bait-e-huzan kis ka hai
mutmain is se musalman na maseehi na yahood
dost kya jaaniye ye charkh-e-kuhan kis ka hai
waaiz ik aib se tu paak hai yaa zaat-e-
warna be-aib zamaane mein chalan kis ka hai
aaj kuchh aur dinon se hai siwa istighraaque
azm-e-taskheer phir ai shekh-e-zaman kis ka hai
aankh padti hai har ik ahal-e-nazar ki tum par
tum mein roop ai gul o nasreen o saman kis ka hai
ishq udhar aql idhar dhun mein chale hain teri
rasta ab dekhiye donon mein kathin kis ka hai
shaan dekhi nahi gar tu ne chaman mein us ki
walawla tujh mein ye ai murgh-e-chaman kis ka hai
hain fasaahat mein masal waaiz o haali donon
dekhna ye hai ki be-laag sukhan kis ka hai
Responses
No comments yet. Be the first to respond.