ko tark-e-junoon se kya gharaz
charkh-e-gardan ko sukoon se kya gharaz
mein hai ai khizr gar sidaque-e-talab
raah-rau ko rahnumon se kya gharaz
haajiyo hai ham ko ghar waale se kaam
ghar ke mehraab o sutoon se kya gharaz
gunguna kar aap ro padte hain jo
un ko chang o araghnoon se kya gharaz
nek kahna nek jis ko dekhna
ham ko tafteesh-e-daroon se kya gharaz
dost hain jab zakhm-e-dil se be-khabar
un ko apne ashk-e-khoon se kya gharaz
ishq se hai mujatnib zaahid abas
sher ko said-e-zaboon se kya gharaz
kar chuka jab shaikh taskheer-e-quloob
ab use duniyaa-e-doon se kya gharaz
aae ho haali pae-tasleem yan
aap ko choon-o-chagoon se kya gharaz
Responses
No comments yet. Be the first to respond.