hashr tak yan shakeba chahiye
kab milein dilbar se dekha chahiye
hai tajalli bhi naquab-e-roo-e-yaar
us ko kin aankhon se dekha chahiye
ghair-mumkin hai na ho taaseer-e-
haal-e-dil phir us ko likkha chahiye
hai dil-afgaaron ki dildaari zaroor
gar nahi ulfat madaara chahiye
hai kuchh ik baaqui khalish ummeed ki
ye bhi mit jaae toh phir kya chahiye
doston ki bhi na ho parwa jise
be-niyaazi us ki dekha chahiye
bha gae hain aap ke andaaz o naaz
keejiye ighmaaz jitna chahiye
shaikh hai in ki nigah jaadoo bhari
sohbat-e-rindan se bachna chahiye
lag gai chup haali-e-ranjoor ko
haal is ka kis se poochha chahiye
Responses
No comments yet. Be the first to respond.