haqueeqat mahram-e-asraar se poochh
mazaa angoor ka mai-khwaar se poochh
wafa aghyaar ki aghyaar se sun
miri ulfat dar o deewar se poochh
hamaari aah-e-be-taaseer ka haal
kuchh apne se kuchh aghyaar se poochh
dilon mein daalna zauque-e-aseeri
kamand-e-gesoo-e-khamdaar se poochh
-e-mahjoor se sun lazzat-e-wasl
nashaat-e-aafiyat beemaar se poochh
nahi juz girya-e-gham haasil-e-ishq
hamaari chashm-e-dariya-baar se poochh
nahi aab-e-baqua juz jalwa-e-dost
kisi lab-tishna-e-deedaar se poochh
fareb-e-waada-e-dildaar ki quadr
shaheed-e-khanjar-e-inkaar se poochh
fughaan-e-shauque ko maane nahi wasl
ye nukta andaleeb-e-zaar se poochh
tasawwur mein kiya karte hain jo ham
wo tasweer-e-khayaal-e-yaar se poochh
mata-e-be-baha hai sher-e-haali
miri queemat miri guftaar se poochh
Responses
No comments yet. Be the first to respond.