haque wafa ke jo ham jataane lage
aap kuchh kah ke muskuraane lage
tha yahan mein taan-e-wasl-e-adoo
uzr un ki zaban pe aane lage
ham ko jeena padega furqat mein
wo agar himmat aazmaane lage
dar hai meri zaban na khul jaae
ab wo baatein bahut banaane lage
jaan bachti nahi aati
ghair ulfat bahut jataane lage
tum ko karna padega uzr-e-jafa
ham agar dard-e-dil sunaane lage
sakht mushkil hai shewa-e-tasleem
ham bhi aakhir ko ji churaane lage
ji mein hai loon raza-e-peer-e-mughan
quafile phir haram ko jaane lage
sirr-e-baatin ko faash kar yaa rab
ahal-e-zaahir bahut sataane lage
waqt-e-rukhsat tha sakht haali par
ham bhi baithe the jab wo jaane lage
Responses
No comments yet. Be the first to respond.