-e-furqat hi mein marna ho toh dushwaar nahi
shaadi-e-wasl bhi aashique ko saza-waar nahi
khoob-rooi ke liye zishti-e-khoo bhi hai zaroor
sach toh ye hai ki koi tujh sa tarah-daar nahi
quaul dene mein taammul na quasam se inkaar
ham ko sachcha aata koi iquraar nahi
kal kharaabaat mein ik goshe se aati thi sada
dil mein sab kuchh hai magar rukhsat-e-guftaar nahi
haque hua kis se ada us ki wafaadaari ka
jis ke nazdeek jafa baais-e-aazaar nahi
dekhte hain ki pahunchati hai wahan kaun si raah
kaaba o dair se kuchh ham ko sarokaar nahi
honge quail wo abhi matla-e-saani sun kar
jo tajalli mein ye kahte hain ki takraar nahi
Responses
No comments yet. Be the first to respond.