mein bandaa naadan hoon magar shukr hai tera
rakhta hoon nihan khana laahot se paiwand
ik walawla taaza diya mein ne dilon ko
laahor se ta bakhaara w samraqunad
taaseer hai ye mere nafas ki ki khizan mein
murghaan khwan miri sohbat mein hain khorasnad
lekin mujhe paida kya us des mein toh ne
!jas des ke bande hain ghulaami pe raza mand
Responses
No comments yet. Be the first to respond.
jo mein sar b sajda hua kabhi toh zamin se aane lagi sada
tira dil toh hai sanam aashna tujhe kya mile ga namaaz mein
kabhi jo aawaara-e junoon the wo bastiyon mein phir aa basin ge
barahna paai wahi rahe gi magar naya khaar zaar hoga
suna diya gosh muntazir ko hijaaz ki khaamushi ne aakhir
jo ahad sahraayeewan se baandha gaya tha phir ustuwaar hoga
dayaar maghrib ke rahne waalo khuda ki basti dukan nahi hai
khara jise tum samajh rahe ho wo ab zar kam ayyaar hoga
kaha jo qumri se mein ne ik din yahan ke aazaad pa b gul hain
toh ghunche kahne lage hamare chaman ka ye raazdaar hoga
na poochh iqubaal ka thikaana abhi wahi kaifiyat hai us ki
kahin sar rah guzaar baitha sitam kash intizaar hoga