saaqui naama

hua kheema zan kaarwaan bahaar

iram ban gaya daaman kohsaar

gul w nargis w sosan w nasatran

shaheed azal laala khoonin kafan

jahan chhup gaya pardiya rang mein

lahoo ki hai gardish rag sang mein

faza neeli neeli hua mein suroor

thaharte nahi aashiyan mein teewar

wo joo kahastan achakti hui

atakti lachakti sarakti hui

achhalti phasalti sanbhalti hui

bade pech kha kar nikalti hui

ruke jab toh sil cheer deti hai ye

pahaadon ke dil cheer deti hai ye

!zara dekh ai saaqui laala faam

sunaati hai ye zindagi ka payaam

pila de mujhe wo me parda soz

ki aati nahi fasl gul roz roz

wo mai jis se raushan zameer hayaat

wo mai jis se hai masti kaaenaat

wo mai jis mein hai sozosaaz azal

wo mai jis se khulta hai raaz azal

utha saaquiya parda us raaz se

lada de mamole ko shahbaaz se

zamaane ke andaaz badle gae

naya raag hai saaz badle gae

hua us tarah faash raaz farang

ki hairat mein hai sheesha baaz farang

puraani siyaasat gari khwaar hai

zamin meer w sultan se bezaar hai

gaya door sarmaaya daari gaya

tamaasha dikha kar madaari gaya

giran khawaab cheeni sambhalne lage

hamaala ke chashme abalne lage

dil taur seena w faaran do neem

tajalli ka phir muntazir hai kaleem

musalman hai toheed mein garm josh

magar dil abhi tak hai zunnaar posh

tamdan tasawwuf shareet kalaam

!bataan ajam ke pujaari tamaam

haqueeqat kharaafaat mein kho gai

ye ummat riwaayaat mein kho gai

labhaata hai dil ko kalaam khateeb

!magar lazzat shauque se be naseeb

bayan us ka mantique se suljha hua

lughat ke bakheedon mein uljha hua

wo soofi ki tha khadmat haque mein mard

mohabbat mein yakta hameet mein fard

ajam ke khayaalaat mein kho gaya

ye saalik maquamaat mein kho gaya

bujhi ishq ki aag andher hai

musalman nahi raakh ka dheer hai

sharaab kuhan phir pila saaquiya

!wahi jaam gardish mein la saaquiya

mujhe ishq ke par laga kar uda

miri khaak jugnoo bana kar uda

khirad ko ghulaami se aazaad kar

jwaanon ko pairon ka ustaad kar

hari shaakh millat tire nam se hai

nafas us badan mein tire dam se hai

tadapne phatrakne ki taufeeque de

dil maratzi soz sadeeque de

jigar se wahi teer phir paar kar

tamannaa ko seenon mein bedaar kar

tire aasmaanon ke taaron ki khair

zameenon ke shab zinda daaron ki khair

jwaanon ko soz jigar bakhsh de

mira ishq meri nazar bakhsh de

miri naaw girdaab se paar kar

ye saabit hai toh us ko seeaar kar

bata mujh ko asraar marg w hayaat

ki teri nigaahon mein hai kaaenaat

mire deediya tar ki be khwaabeean

mire dil ki posheeda be taabeean

mire naalah neem shab ka niyaaz

miri khalwat w anjuman ka gudaaz

amangin miri aarzooein miri

ummeedein miri jasatjoyin miri

miri fitrat aayeenah rozgaar

ghazaalaan afkaar ka maraghzaar

mira dil miri razam gaah hayaat

gamaanon ke lashkar yaquin ka sabaat

yahi kuchh hai saaqui mata faqueer

asi se faqueeri mein hoon mein ameer

mire quafile mein luta de use

!lata de thikaane laga de use

dama dam rawan hai yam zindagi

har ik shay se paida ram zindagi

asi se hui hai badan ki numood

ki shole mein posheeda hai mauj dood

giran garche hai sohbat aab w gul

khush aai use mehnat aab w gul

ye saabit bhi hai aur seeaar bhi

anaasir ke phandon se bezaar bhi

ye wahdat hai kasrat mein har dam aseer

magar har kahin be chagon be nazeer

ye aalam ye but khaanah shash jahaat

asi ne taraasha hai ye somnaat

pasand us ko takraar ki khoo nahi

ki toh mein nahi aur mein toh nahi

man w toh se hai anjuman aafreen

magar ain mahfil mein khalwat nashin

chamak us ki bijli mein taare mein hai

ye chaandi mein sone mein paare mein hai

asi ke bayaaban asi ke babol

asi ke hain kaante asi ke hain phool

kahin us ki taaqat se kohsaar choor

kahin us ke phande mein jibreel w hoor

kahin jara shaheen seemaab rang

lahoo se chakoron ke aalooda chang

kabootar kahin aasheeaane se door

phadakta hua jaal mein naasbor

fareb nazar hai sukoon w sabaat

tadapta hai har zariya kaaenaat

thaharta nahi kaarwaan wajood

ki har lahza hai taaza shaan wajood

samajhta hai toh raaz hai zindagi

faquat zauque parwaaz hai zindagi

bahut us ne dekhe hain past w buland

safar us ko manzil se badh kar pasand

safar zindagi ke liye barg w saaz

safar hai haqueeqat hazar hai majaaz

ulajh kar salajhne mein lazzat use

tadapne phatrakne mein raahat use

hua jab use saamna maut ka

kathin tha bada thaamna maut ka

utar kar jahaan makaafaat mein

rahi zindagi maut ki ghaat mein

mazaaque dui se bani zoj zoj

athi dasht w kohsaar se fauj fauj

gul us shaakh se tootte bhi rahe

asi shaakh se photte bhi rahe

samajhte hain naadan use be sabaat

ubharta hai mit mit ke naqsh hayaat

badi tez jaulan badi zorad ras

azal se abad tak ram yak nafas

zamaana ki zanjeer ayyaam hai

damon ke ulat pher ka naam hai

ye mauj nafas kya hai talwaar hai

khudi kya hai talwaar ki dhaar hai

khudi kya hai raaz daron hayaat

khudi kya hai bedaari kaaenaat

khudi jalwa badmast w khalwat pasand

samundar hai ik boond paani mein band

andhere ujaale mein hai taabnaak

man w toh mein paida man w toh se paak

azal us ke peechhe abad saamne

na had us ke peechhe na had saamne

zamaane ke dariya mein bahti hui

sitam us ki maujon ke sahti hui

tajsas ki raahein badalti hui

wama dam nigaahein badalti hui

subuk us ke haathon mein sang giran

pahaad us ki zarbon se reg rawan

safar us ka anjaam w aaghaaz hai

yahi us ki taqweem ka raaz hai

kiran chaand mein hai sharar sang mein

ye be rang hai doob kar rang mein

use waasta kya kam w besh se

nashab w faraaz wapas w pesh se

azal se hai ye kashamkash mein aseer

hui khaak aadam mein soorat pazeer

khudi ka nasheman tire dil mein hai

falak jis tarah aankh ke tal mein hai

khudi ke nigahban ko hai zahar naab

wo nan jis se jaati rahe us ki aab

wahi nan hai us ke liye arjamnad

rahe jis se duniyaa mein gardan buland

faro faal mahmod se daragzar

khudi ko nigah rakh aeeaazi na kar

wahi sajda hai laayaque ehtimaam

ki ho jis se har sajda tujh par haraam

ye aalam ye hangaamah rang w saut

ye aalam ki hai zer farmaan maut

ye aalam ye but khaanah chashm w gosh

jahan zindagi hai faquat khorad w nosh

khudi ki ye hai manzil awwalin

masaafra! ye tera nasheman nahi

tiri aag us khaak dan se nahi

jahan tujh se hai toh jahan se nahi

badhe ja ye koh giran tod kar

tilism zamaan w makan tod kar

khudi sher maula jahan us ka said

zamin us ki said aasman us ka said

jahan aur bhi hain abhi be numood

ki khaali nahi hai zameer wajood

har ik muntazir teri yalghaar ka

tiri shokhi fikr w kirdaar ka

ye hai maqsad gardish rozgaar

ki teri khudi tujh pe ho aashkaar

toh hai faateh aalam khoob w zashat

tujhe kya bataaoon tiri sarnoshat

haqueeqat pe hai jaamah harf tang

haqueeqat hai aaeena guftaar zang

farozan hai seene mein shama nafas

!magar taab guftaar kahti hai bas

agar yak sar mwe bartar param

farogh tajalli basozad param