muslim

har nafas iqubaal tera aah mein mastor hai

seena sozan tira fariyaad se maamoor hai

naghma ameed teri barbat dil mein nahi

ham samajhte hain ye laila tere mahmil mein nahi

gosh aawaaz sarod rafta ka jooya tira

aur dil hangaamah haazir se be parwa tira

quissa gul ham nwaaeeaan chaman sunte nahi

ahal mahfil tera paighaam kuhan sunte nahi

ai daraaye kaarwaan khufta paa! khaamosh rah

hai bahut yaas aafrin teri sada khaamosh rah

zinda phir wo mahfil dereena ho sakti nahi

shama se raushan shab dosheena hosakti nahi

ham nasheen! muslim hoon mein toheed ka haamal hoon mein

us sadaaqat par azal se shaahid aaadal hoon mein

nabz mojodaat mein paida haraarat us se hai

aur muslim ke takheel mein jasaarat us se hai

haque ne aalam us sadaaqat ke liye paida kya

aur mujhe us ki hifaazat ke liye paida kya

dahar mein ghaarat gar baatil parasti mein hua

haque toh ye hai haafaz naamoos hasti mein hua

meri hasti pairhan uryaani aalam ki hai

mere mit jaane se ruswaai bani aadam ki hai

quismat aalam ka muslim kokab taabanda hai

jis ki taabaani se afsoon sahar sharminda hai

aashkaara hain miri aankhon pe asraar hayaat

kah nahi sakte mujhe naumeed paikaar hayaat

kab dara sakta hai gham ka aaarzi manzar mujhe

hai bharosa apni millat ke muqaddar par mujhe

yaas ke ansar se hai aazaad mera rozgaar

fath kaamil ki khabar dateea hai josh kaarzaar

han ye sach hai chashm bar ahad kuhan rahta hoon mein

ahal mahfil se puraani daastan kahta hoon mein

yaad ahad rafta meri khaak ko ikseer hai

mera maazi mere istiqubaal ki tafseer hai

saamne rakhta hoon us door nashaat afza ko mein

dekhta hoon dosh ke aaeene mein farda ko mein