shama aur shaair

dosh mi gaftam b shama manzil weeraan khweesh

geeswe toh az par parwaana daarad shaana ai

darajhan misl charaagh laala sahraastam

ne naseeb mahafle ne quismat kaashaana ai

madte maanind toh man ham nafas mi sokhtam

dar tawaaf shola am baale na zad parwaana ai

mi tapad sad jalwa dar jaan amal farsodam na

bar nami kheezad azin mahfil dil deewaana ai

az kuja ain aatish aalam faroz andokhti

karmak be maaeeh ra soz kaleem aamokhti

mujh ko jo mauj nafas deti hai paighaam ajal

lab asi mauj nafas se hai nawa peera tira

mein toh jalti hoon ki hai mazmar miri fitrat mein soz

toh farozan hai ki parwaanon ko ho sauda tira

girya saaman mein ki mere dil mein hai toofaan ashk

shabnam afshan toh ki bazm gul mein ho charcha tira

gul b daaman hai miri shab ke lahoo se meri subh

hai tire amroz se naa aashna farda tira

yoon toh raushan hai magar soz daroon rakhta nahi

shola hai misl charaagh laalah sahra tira

soch toh dil mein laqab saaqui ka hai zeeba tujhe

!aanajman pyaasi hai aur paimaana be sahba tira

aur hai tera shiaar aaeen millat aur hai

zashat rooi se tiri aaeena hai ruswa tira

kaaba pahloo mein hai aur saudaai but khana hai

kis quadar shoreeda sar hai shauque be parwa tira

quais paida hoon tiri mahfil mein ye mumkin nahi

tang hai sahra tira mahmil hai be laila tira

!aae dar taabanda ai parordah aaghosh mauj

lazzat toofan se hai naa aashna dariya tira

ab nawa peera hai kya gulshan hua barham tira

be mahal tera tarnam naghma be mausam tira

tha janin zauque tamaasha wo toh rukhsat ho gae

le ke ab toh waada deedaar aam aaya toh kya

anjuman se wo puraane shola aashaam uth gae

saaqueeaa! mahfil mein toh aatish bajaam aaya toh kya

aah jab gulshan ki jamaiyyat pareshan ho chuki

phool ko baad bahaari ka payaam aaya toh kya

aakhir shab deed ke quabil thi bismil ki tadap

sabahdam koi agar baalaaye baam aaya toh kya

bujh gaya wo shola jo maqsood har parwaana tha

ab koi saudaai soz tamaam aaya toh kya

phool be parwa hain toh garm nawa ho yaa na ho

kaarwan be has hai aawaaz dara ho yaa na ho

shama mahfil ho ke toh jab soz se khaali raha

tere parwaane bhi us lazzat se begaane rahe

rishta ulfat mein jab un ko paro sakta tha toh

phir pareshan kyoon tiri tasbeeh ke daane rahe

shauque be parwa gaya fikr falak paima gaya

teri mahfil mein na deewaane na farzaane rahe

wo jigar sozi nahi wo shola aashaami nahi

faaeda phir kya jo gard shama parwaane rahe

khair toh saaqui sahi lekin pilaae ga kise

ab na wo mai kash rahe baaqui na mai khaane rahe

ro rahi hai aaj ik tooti hui meena use

kal talak gardish mein jis saaqui ke paimaane rahe

aaj hain khaamosh wo dasht junoon parwar jahan

raqs mein laila rahi laila ke deewaane rahe

waae naakaamee! mata kaarwan jaata raha

kaarwan ke dil se ehsaas ziyan jaata raha

jin ke hangaamon se the aabaad weeraane kabhi

shahar un ke mit gae aabaadeean ban ho gain

satwat toheed quayam jin namaazon se hui

wo namaazin hind mein nazr barahman ho gain

dahar mein aish dawaam aaein ki paabandi se hai

mauj ko aazaadeean saamaan shewan ho gain

khud tajalli ko tamannaa jin ke nazaaron ki thi

wo nigaahein naa ameed noor aeeman hogiyin

udti phirti thin hazaaron balablin gulzaar mein

dil mein kya aai ki paaband nasheman ho gain

wusaat gardoon mein thi un ki tadap nazaara soz

bijliyan aasodah daamaan khirman hogiyin

deedah khonbaar ho minnat kash gulzaar kyoon

ashk paiham se nigaahein gul b daaman ho gain

shaam gham lekin khabar deti hai subh id ki

zulmat shab mein nazar aai kiran ameed ki

!mazda ai paimaana bardaar khamastaan hijaaz

baad muddat ke tire rindon ko phir aaya hai hosh

naqd khuddaari baha baadah aghyaar thi

phir dukan teri hai labrez sada naayo nosh

tootne ko hai tilism maah seemaaeeaan hind

phir saleemi ki nazar deti hai paighaam kharosh

phir ye ghogha hai ki laasaaqui sharaab khana saaz

dil ke hangaame me maghrib ne kar daale khamosh

naghma peera ho ki ye hangaam khaamoshi nahi

hai sahar ka aasman khursheed se meena badosh

dar gham deegar basoz w deegran ra ham basoz

gafatmat raushan hadeese gar twaani daar gosh

kah gae hain shaairi juzw yasat az peeghmabri

han suna de mahfil millat ko paighaam sarosh

aankh ko bedaar kar de waada deedaar se

zinda kar de dil ko soz jauhar guftaar se

rahzan himmat hua zauque tan aasaani tira

bahar tha sahra mein toh gulshan mein misl jo hua

apni asleet pe quayam tha toh jamaiyyat bhi thi

chhod kar gul ko pareshan kaarwaan boo hua

zindagi quatre ki sakhlaati hai asraar hayaat

ye kabhi gauhar kabhi shabnam kabhi aansoo hua

phir kahin se us ko paida kar badi daulat hai ye

zindagi kaisi jo dil beegaanah pahloo hua

fard quayam rabt millat se hai tanha kuchh nahi

mauj hai dariya mein aur bairoon dariya kuchh nahi

parda dil mein mohabbat ko abhi mastor rakh

aabar baaqui tiri millat ki jameet hai thi

jab ye jameet gai duniyaa mein ruswa toh hua

yaani apni mai ko ruswa soorat meena na kar

kheema zan ho waadi seena mein maanind kaleem

shola tahqueeque ko ghaarat gar kaashaana kar

shama ko bhi ho zara maaloom anjaam sitam

sirf taameer sahar khaakastar parwaana kar

toh agar khud daar hai minnat kash saaqui na ho

ain dariya mein habaab aasa nagon paimaana kar

kaifiyat baaqui puraane koh w sahra mein nahi

hai junoon tera naya paida naya weeraana kar

khaak mein tujh ko muqaddar ne milaaya hai agar

toh asa aftaad se paida misaal daana kar

han asi shaakh kuhan par phir bana le aashiyan

ahal gulshan ko shaheed naghma mastaana kar

us chaman mein peero bulbul ho yaa talmeez gul

yaa saraapa naala ban ja yaa nawa paida na kar

kyoon chaman mein be sada misl ram shabnam hai toh

lab kusha ho ja sarod barbat aalam hai toh

aashna apni haqueeqat se ho ai dahquan zara

daana toh kheeti bhi toh baaran bhi toh haasil bhi toh

aah kis ki justujoo aawaara rakhti hai tujhe

raah toh rahro bhi toh rahbar bhi toh manzil bhi toh

kaanapta hai dil tira andeeshah toofan se kya

naakhuda toh bahar toh kashti bhi toh saahil bhi toh

dekh aa kar kochah chaak gareban mein kabhi

quais toh laila bhi toh sahra bhi toh mahmil bhi toh

waae naadaani ki toh mahtaaj saaqui ho gaya

mai bhi toh meena bhi toh saaqui bhi toh mahfil bhi toh

shola ban kar phoonk de khaashaak ghair allaah ko

khauf baatil kya ki hai ghaarat gar baatil bhi toh

be khabra! toh jauhar aayeenah ayyaam hai

toh zamaane mein khuda ka aakhiri paighaam hai

apni asleet se ho aagaah ai ghaafil ki toh

quatra hai lekin misaal bahar be paaeean bhi hai

kyoon giraftaar tilism hech maqudaari hai toh

dekh toh posheeda tujh mein shaukat toofan bhi hai

seena hai tera amin us ke payaam naaz ka

jo nizaam dahar mein paida bhi hai pinhan bhi hai

haft kishwar jis se ho taskheer be tegh w tafnag

toh agar samjhe toh tere paas wo saaman bhi hai

ab talak shaahid hai jis par koh faaran ka sukoot

ai taghaaful peeshha! tujh ko yaad wo paiman bhi hai

toh hi naadan chand kaliyon par quanaaat kar gaya

warna gulshan mein ilaaj tangi daaman bhi hai

dil ki kaifiyat hai paida pardah taqureer mein

kasot meena mein mai mastor bhi uryan bhi hai

phoonk daala hai miri aatish nawaai ne mujhe

awarmeeri zindagaani ka yahi saaman bhi hai

raaz us aatish nawaai ka mire seene mein dekh

!jaloh taqudeer mere dil ke aaeene mein dekh

aasman hoga sahar ke noor se aaeena posh

aur zulmat raat ki seemaab pa ho jaae gi

us quadar hogi tarnam aafrin baad bahaar

nikhat khwaabeeda ghunche ki nawa ho jaae gi

aamlin ge seena chaakaan chaman se seena chaak

bazm gul ki ham nafas baad saba ho jaae gi

shabnam afshaani miri paida kare gi soz w saaz

us chaman ki har kali dard aashna ho jaae gi

dekh lo ge satwat raftaar dariya ka maaal

mauj muztar hi use zanjeer pa ho jaae gi

phir dilon ko yaad aa jaae ga paighaam sujood

phir jabin khaak haram se aashna ho jaae gi

naalah sayyaad se hoon ge nawa saaman teewar

khoon gulchin se kali rangin quaba ho jaae gi

aankh jo kuchh dekhti hai lab pe aa sakta nahi

mahaw hairat hoon ki duniyaa kya se kya ho jaae gi

shab gurezan ho gi aakhir jalwa khursheed se

ye chaman maamoor hoga naghma toheed se