gorastaan shaahi

aasman baadal ka pahne kharqah dereena hai

kuchh makdar sa jabeen maah ka aaeena hai

chaandani pheeki hai us nazaarah khaamosh mein

subh saadaque so rahi hai raat ki aaghosh mein

kis quadar ashjaar ki hairat faza hai khaamushi

barbat qudrat ki dheemi si nawa hai khaamushi

baatin har zarah aalam saraapa dard hai

aur khaamoshi lab hasti pe aah sard hai

aaha! jaulan gaah aalam geer yaani wo hisaar

dosh par apne uthaae saikdon sadiyon ka baar

zindagi se tha kabhi maamoor ab sunsaan hai

ye khamoshi us ke hangaamon ka gorastan hai

apne sakaan kuhan ki khaak ka daldaada hai

koh ke sar par misaal paasban astaada hai

abr ke rauzan se wo baalaaye baam aasman

naazar aalam hai najam sabz faam aasman

khaak baazi wusaat duniyaa ka hai manzar use

daastan naakaami insan ki hai azbar use

hai azal se ye musafir soo manzil ja raha

aasman se anaqulaabon ka tamaasha dekhta

go sakon mumkin nahi aalam mein akhtar ke liye

faatha khwaani ko ye thahra hai dam bhar ke liye

rang w aab zindagi se gul badaaman hai zamin

seenakdon khoon gashta tahzeebon ka madfan hai zamin

khawaab gah shaahon ki hai ye manzil hasrat faza

deedah abarta! khiraaj ashk galgon kar ada

hai toh gorastan magar ye khaak gardoon paaeeh hai

aaha! ik bargashta quismat quaum ka sarmaaya hai

maqabron ki shaan hairat aafrin hai us quadar

jumbish mizgan se hai chashm tamaasha ko hazar

kaifiyat aisi hai naakaami ki us tasweer mein

jo utar sakti nahi aayeenah tahreer mein

sote hain khaamosh aabaadi ke hangaamon se door

muztarib rakhti thi jin ko aarzoo naasbor

quabr ki zulmat mein hai un aaftaabon ki chamak

jin ke darwaazon pe rahta tha jabin gastar falak

kya yahi hai un shahanshaahon ki azmat ka maaal

jin ki tadbeer jahan baani se darta tha zawaal

rab faghfori ho duniyaa mein ki shaan queesri

tal nahi sakti ghaneem maut ki yorash kabhi

baadshaahon ki bhi kisht umr ka haasil hai gor

jaada azmat ki goya aakhiri manzil hai gor

shorish bazm tarab kya awad ki taqureer kya

dard mandaan jahan ka naalah shab geer kya

arsah paikaar mein hangaamah shamsheer kya

khoon ko garmaane waala narah takbeer kya

ab koi aawaaz soton ko jaga sakti nahi

seena weeran mein jaan rafta aa sakti nahi

rooh musht khaak mein zahmat kash bedaad hai

kocha gard ne hua jis dam nafas fariyaad hai

zindagi insan ki hai maanind murgh khush nawa

shaakh par baitha koi dam chahchaaeea ud gaya

!aaha! kya aae reeaaz dahar mein ham kya gae

zindagi ki shaakh se phote khale marjha gae

maut har shaah w gada ke khawaab ki taabeer hai

us sitam gar ka sitam insaaf ki tasweer hai

silsila hasti ka hai ik bahar naa paida kanaar

aur us dariya be paaeean ke maujein hain mazaar

ai hosa! khoon ro ki hai ye zindagi be etibaar

ye sharaare ka tabassum ye khas aatish sawaar

chaand jo soorat gar hasti ka ik ejaaz hai

pahne seemaabi quaba mahaw khiraam naaz hai

charkh be anjum ki dahshat naak wusaat mein magar

be kisi us ki koi dekhe zara waqt sahar

ik zara sa abr ka tukda hai jo mahtaab tha

aakhiri aansoo tapak jaane mein ho jis ki fanaa

zindagi aqwaam ki bhi hai yoonhi be etibaar

rang haaye rafta ki tasweer hai un ki bahaar

us ziyan khaane mein koi millat gardoon waquar

rah nahi sakti abad tak baar dosh rozgaar

us quadar quomon ki barbaadi se hai khogar jahan

dekhta be atnaayi se hai ye manzar jahan

ek soorat par nahi rahta kisi shay ko quaraar

zauque jadat se hai tarkeeb mizaaj rozgaar

hai nageen dahar ki zeenat hamesha naam nau

maadar geeti rahi aabastan aqwaam nau

hai hazaaron quaflon se aashna ye rah guzar

chashm koh noor ne dekhe hain kitne taajor

misr w baabal mit gae baaqui nishan tak bhi nahi

daftar hasti mein un ki daastan tak bhi nahi

aa dabaaeea mehar aeeran ko ajal ki shaam ne

azmat yonaan w roma lot li ayyaam ne

aaha! muslim bhi zamaane se yoonhi rukhsat hua

aasman se abr aazaari utha barsa gaya

hai rag gul subh ke ashkon se moti ki ladi

koi sooraj ki kiran shabnam mein hai uljhi hui

seena dariya shuaaon ke liye gahwaara hai

kis quadar pyara lab jo mehar ka nazaara hai

mahaw zeenat hai sanobar joybaar aaeena hai

ghuncha gul ke liye baad bahaar aaeena hai

nara zan rahti hai koyal baagh ke kaashaane mein

chashm insan se nihan patton ke uzlat khaane mein

aur bulbul mutrib rangin nawa gulistan

jis ke dam se zinda hai goya hawa gulistan

ishq ke hangaamon ki udti hui tasweer hai

khaama qudrat ki kaisi shokh ye tahreer hai

baagh mein khaamosh jalse gulistan zaadon ke hain

waadi kohsaar mein nare shaban zaadon ke hain

zindagi se ye puraana khaak dan maamoor hai

maut mein bhi zindagaani ki tadap mastor hai

patean phoolon ki girti hain khizan mein us tarah

dast tifl khufta se rangin khilaune jis tarah

us nashaat aabaad mein go aish be andaaza hai

ek gham yaani gham millat hamesha taaza hai

dil hamare yaad ahad rafta se khaali nahi

apne shaahon ko ye ummat bhoolne waali nahi

ashk baari ke bahaane hain ye ujde baam w dar

girya paiham se beena hai hamaari chashm tar

dahar ko dete hain moti deedah giryan ke ham

aakhiri baadal hain ik guzre hue toofan ke ham

hain abhi sad ha guhar us abr ki aaghosh mein

barque abhi baaqui hai us ke seenah khaamosh mein

waadi gul khaak sahra ko bana sakta hai ye

khawaab se ameed dahquan ko jaga sakta hai ye

ho chuka go quaum ki shaan jalaali ka zuhoor

hai magar baaqui abhi shaan jamaali ka zuhoor