jab dikhaati hai aariz rangin apna
khol deti hai kali seenah zarin apna
jalwa aashaam hai subh ke mai khaane mein
zindagi us ki hai khursheed ke paimaane mein
saamne mehar ke cheer ke rakh deti hai
kis quadar seena shagaafi ke maze leti hai
mire khorsheeda! kabhi toh bhi utha apni naquab
bahar nazaara tadapti hai nigaah be taab
tere jalwe ka nasheman ho mire seene mein
aks aabaad ho tera mire aaeene mein
zindagi ho tira nazaara mire dil ke liye
raushani ho tiri gahwaara mire dil ke liye
zarra zarra ho mira phir tarab andoz hayaat
ho ayan jauhar andesha mein phir soz hayaat
apne khursheed ka nazaara karoon door se mein
sifat ghuncha ham aaghosh rahoon noor se mein
jaan muztar ki haqueeqat ko numaayan kar doon
dil ke posheeda khayaalon ko bhi uryan kar doon
Responses
No comments yet. Be the first to respond.
jo mein sar b sajda hua kabhi toh zamin se aane lagi sada
tira dil toh hai sanam aashna tujhe kya mile ga namaaz mein
kabhi jo aawaara-e junoon the wo bastiyon mein phir aa basin ge
barahna paai wahi rahe gi magar naya khaar zaar hoga
suna diya gosh muntazir ko hijaaz ki khaamushi ne aakhir
jo ahad sahraayeewan se baandha gaya tha phir ustuwaar hoga
dayaar maghrib ke rahne waalo khuda ki basti dukan nahi hai
khara jise tum samajh rahe ho wo ab zar kam ayyaar hoga
kaha jo qumri se mein ne ik din yahan ke aazaad pa b gul hain
toh ghunche kahne lage hamare chaman ka ye raazdaar hoga
na poochh iqubaal ka thikaana abhi wahi kaifiyat hai us ki
kahin sar rah guzaar baitha sitam kash intizaar hoga