sar gazshat aadam

sune koi miri ghurbat ki daastan mujh se

bhulaaya quissa paimaan awwalin mein ne

lagi na meri tabeeat reeaaz jannat mein

piya shuoor ka jab jaam aatishin mein ne

rahi haqueeqat aalam ki justujoo mujh ko

dikhaaya auj khayaal falak nashin mein ne

mila mizaaj tagheer pasand kuchh aisa

kya quaraar na zer falak kahin mein ne

nikaala kaabe se patthar ki morton ko kabhi

kabhi buton ko banaaya haram nashin mein ne

kabhi mein zauque takallum mein taur par pahuncha

chhupaaya noor azal zer aastin mein ne

kabhi saleeb pe apnon ne mujh ko latkaaeea

kya falak ko safar chhod kar zamin mein ne

kabhi mein ghaar hara mein chhupa raha barson

diya jahan ko kabhi jaam aakhrin mein ne

sunaaya hind mein aa kar sarod rabaani

pasand ki kabhi yonan ki sar zamin mein ne

dayaar hind ne jis dam miri sada na suni

basaaya khatah jaapaan w mulk chin mein ne

banaaya zarron ki tarkeeb se kabhi aalam

khilaaf mani taaleem ahal din mein ne

lahoo se laal kya seenakdon zameenon ko

jahan mein chhed ke paikaar aql w din mein ne

samajh mein aai haqueeqat na jab sitaaron ki

asi khayaal mein raatein guzaar din mein ne

dara sakein na kaleesa ki mujh ko talwaarein

sikhaaya masaala gardish zamin mein ne

kashish ka raaz hweeda kya zamaane par

laga ke aaina aql door bin mein ne

kya aseer shuaaon ko barque muztar ko

banaadi ghairat jannat ye sar zamin mein ne

magar khabar na mili aaha! raaz hasti ki

kya khirad se jahan ko tah nagin mein ne

hui jo chashm mazaahar parast wa aakhir

toh paaya khaanah dil mein use makin mein ne