ishq aur maut

sahaani numood jahan ki ghadi thi

tabassum fishan zindagi ki kali thi

kahin mehar ko taaj zar mil raha tha

ata chaand ko chaandani ho rahi thi

siyah pairhan shaam ko de rahe the

sitaaron ko taaleem taabnadgi thi

kahin shaakh hasti ko lagte the patte

kahin zindagi ki kali photti thi

farishte sakhaate the shabnam ko rona

hansi gul ko pahle pahal aa rahi thi

ata dard hota tha shaair ke dil ko

khudi tishna kaam mai be khudi thi

athi awwal awwal ghata kaali kaali

koi hoor choti ko khole khadi thi

zamin ko tha daawa ki mein aasman hoon

makan kah raha tha ki mein la makan hoon

gharaz us quadar ye nazaara tha pyara

ki nazaargi ho saraapa nazaara

mulk aazmaate the parwaaz apni

jabeenon se noor azal aashkaara

farishta tha ik ishq tha naam jis ka

ki thi rahabri us ki sab ka sahaara

farishta ki putla tha be taabeewan ka

mulk ka mulk aur paare ka paara

pay sair firdaus ko ja raha tha

quaza se mila raah mein wo quaza ra

ye poochha tira naam kya kaam kya hai

nahi aankh ko deed teri gawaara

hua sun ke goya quaza ka farishta

ajal hoon mira kaam hai aashkaara

adaati hoon mein rakht hasti ke purze

bujhaati hoon mein zindagi ka sharaara

miri aankh mein jaadoye neesti hai

payaam fanaa hai asi ka ishaara

magar ek hasti hai duniyaa mein aisi

wo aatish hai mein saamne us ke paara

sharar ban ke rahti hai insan ke dil mein

wo hai noor mutlaque ki aankhon ka taara

tapakti hai aankhon se ban ban ke aansoo

wo aansoo ki ho jin ki talkhi gawaara

suni ishq ne guftugoo jab quaza ki

hansi us ke lab par hui aashkaara

gari us tabassum ki bijli ajal par

!aandheere ka ho noor mein kya guzaara

baqua ko jo dekha fanaa ho gai wo

quaza thi shikaar quaza ho gai wo