ye hai toh sab ke liye ho ye zid hamaari hai
is ek baat pe duniyaa se jang jaari hai
udaan waalo udaanon pe waqt bhaari hai
paron ki ab ke nahi hauslon ki baari hai
main quatra ho ke bhi toofan se jang leta hoon
mujhe bachaana samundar ki zimmedaari hai
isi se jalte hain sahra-e-aarzoo mein
ye tishnagi toh mujhe se pyaari hai
koi bataae ye us ke ghuroor-e-beja ko
wo jang main ne ladi hi nahi jo haari hai
har ek saans pe pahra hai be-yaqueeni ka
ye zindagi toh nahi maut ki sawaari hai
dua karo ki salaamat rahe miri himmat
ye ik charaagh kai aandhiyon pe bhaari hai
Responses
No comments yet. Be the first to respond.