apne chehre se jo zaahir hai chhupaaein kaise
teri marzi ke mutabique aaein kaise
ghar sajaane ka tasawwur toh bahut baad ka hai
pahle ye tay ho ki is ghar ko bachaaein kaise
laakh talwaarein badhi aati hon gardan ki taraf
sar jhukaana nahi aata toh jhukaaein kaise
quahaquha aankh ka bartaaw badal deta hai
hansane waale tujhe aansoo aaein kaise
phool se rang juda hona koi khel nahi
apni mitti ko kahin chhod ke jaaein kaise
koi apni hi nazar se toh hamein dekhega
ek quatre ko samundar nazar aaein kaise
jis ne daanista kiya ho nazar-andaaz waseem
us ko kuchh yaad dilaaein toh dilaaein kaise
Responses
No comments yet. Be the first to respond.