tujh lab ki sifat laal-e-badakhshan soon kahoonga
jaadoo hain tire nain ghazaalan soon kahoonga
di baadashhi haque ne tujhe -nagar ki
yoo kishwar-e-iran mein sulaiman soon kahoonga
taareef tire quad ki alif-waar sireejan
ja sarw-e-gulistan koon khush-alhan soon kahoonga
mujh par na karo zulm tum ai laili-e-khooban
majnoon hoon tire koon bayaaban soon kahoonga
dekha hoon tujhe khawaab mein ai maaya-e-khoobi
is khawaab ko ja yoosuf-e-kanaan soon kahoonga
jalta hoon shab-o-roz tire gham mein ai saajan
ye soz tira mashaal-e-sozan soon kahoonga
yak nuqta tire safha-e-rukh par nain beja
is mukh ko tire safha-e-quraan soon kahoonga
qurbaan pari mukh pe hui chob si jal kar
ye baat ajaaib mah-e-taaban soon kahoonga
be-sabr na ho ai wali is dard soon hargiz
jalta hoon tire dard mein darman soon kahoonga
Responses
No comments yet. Be the first to respond.
kya kahoon kuchh kaha nahin jaata
ab to bin tere raha nahin jaata
yaad karna har ghadi us yaar ka
hai wazifa mujh dil-e-bimaar ka
raah-e-mazmoon-e-taaza band nahin
taa qayaamat khula hai baab-e-sukhan
jise ishq ka teer kaari lage
use zindagi kyun na bhaari lage
muflisi sab bahaar khoti hai
mard ka aitbaar khoti hai
dekhna har subah tujh rukhsaar ka
hai mutaala mujh dil-e-bimaar ka