hua zaahir khat-e-roo-e-nigaar aahista-aahista
ki jyoon gulshan mein aati hai aahista-aahista
kiya hoon rafta rafta raam us ki chashm-e-wahshi koon
ki jyoon aahoo koon karte hain shikaar aahista-aahista
jo apne tan koon misl-e-jooebaar awwal kiya paani
hua us sarw-quad soon ham-kanaar aahista-aahista
barang-e-quatra-e-seemaab mere ki jumbish soon
hua hai dil sanam ka be-quaraar aahista-aahista
use kahna baja hai ishq ke gulzaar ka bulbul
jo gul-rooyan mein paaya etibaar aahista-aahista
mira dil ashk ho pahuncha hai kooche mein sireejan ke
gaya kaabe mein ye kashti-sawaar aahista-aahista
wali mat haasidan ki baat soon dil koon mukaddar kar
ki aakhir dil soon jaawega ghubaar aahista-aahista
Responses
No comments yet. Be the first to respond.
kya kahoon kuchh kaha nahin jaata
ab to bin tere raha nahin jaata
yaad karna har ghadi us yaar ka
hai wazifa mujh dil-e-bimaar ka
raah-e-mazmoon-e-taaza band nahin
taa qayaamat khula hai baab-e-sukhan
jise ishq ka teer kaari lage
use zindagi kyun na bhaari lage
muflisi sab bahaar khoti hai
mard ka aitbaar khoti hai
dekhna har subah tujh rukhsaar ka
hai mutaala mujh dil-e-bimaar ka