hua hai mira kharaab-e-sukhan
dekh kar -e-be-hijaab-e-sukhan
bazm-e-maani mein sarkhushi hai use
jis koon hai nashsha-e-sharaab-e-sukhan
raah-e-mazmoon-e-taaza band nahi
ta-quayaamat khula hai baab-e-sukhan
jalwa-paira ho shaahid-e-maani
jab zaban soon uthe naquab-e-sukhan
gauhar us ki nazar mein ja na kare
jin ne dekha hai aab-o-taab-e-sukhan
harjaa़-goyan ki baat kyoonki sune
jo suna naghma-e-rabaab-e-sukhan
hai tiri baat ai nazaakat-e-faham
lauh-e-deebaacha-e-kitaab-e-sukhan
hai sukhan jag manin adeem-ul-misaal
juz sukhan nin duja jawaab-e-sukhan
ai wali dard-e-sar kabhoo na rahe
jab mile sandal-o-gulaab-e-sukhan
Responses
No comments yet. Be the first to respond.
kya kahoon kuchh kaha nahin jaata
ab to bin tere raha nahin jaata
yaad karna har ghadi us yaar ka
hai wazifa mujh dil-e-bimaar ka
raah-e-mazmoon-e-taaza band nahin
taa qayaamat khula hai baab-e-sukhan
jise ishq ka teer kaari lage
use zindagi kyun na bhaari lage
muflisi sab bahaar khoti hai
mard ka aitbaar khoti hai
dekhna har subah tujh rukhsaar ka
hai mutaala mujh dil-e-bimaar ka