wo ham nahi jinhein sahna ye jabr aa jaata
tiri judaai mein kis tarah aa jaata
faseelein tod na dete jo ab ke ahal-e-quafas
tu aur tarah ka elaan-e-jabr aa jaata
wo faasla tha aur mustajaabi mein
ki dhoop maangane jaate toh abr aa jaata
wo mujh ko chhod ke jis aadmi ke paas gaya
baraabri ka bhi hota toh sabr aa jaata
wazeer o shaah bhi khas-khaanon se nikal aate
agar gumaan mein angaar-e-quabr aa jaata
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein