waqt-e-rukhsat aa gaya phir bhi ghabraaya nahi
us ko ham kya khoenge jis ko kabhi paaya nahi
jitni bhi hai ab mustaquil sahra mein hai
aur is sahra mein tera door tak saaya nahi
meri quismat mein faquat durd-e-tah-e-saaghar hi hai
awwal-e-shab jaam meri samt wo laaya nahi
teri aankhon ka bhi kuchh halka gulaabi rang tha
zehan ne mere bhi ab ke dil ko samjhaaya nahi
kaan bhi khaali hain mere aur donon haath bhi
ab ke fasl-e-gul ne mujh ko phool pahnaaya nahi
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein