taraash kar mire baazoo udaan chhod gaya
hawa ke paas barahna kamaan chhod gaya
rafaaquton ka miri us ko dhyaan kitna tha
zameen le li magar aasmaan chhod gaya
ajeeb shakhs tha baarish ka rang dekh ke bhi
khule dareeche pe ik -daan chhod gaya
jo baadlon se bhi mujh ko chhupaae rakhta tha
badhi hai dhoop toh be-saaebaan chhod gaya
nikal gaya kahin an-dekhe paaniyon ki taraf
zamin ke naam khula baadbaan chhod gaya
uquab ko thi gharaz faakhta pakadne se
jo gir gai toh yoonhi neem-jaan chhod gaya
na jaane kaun sa aaseb mein basta hai
ki jo bhi thahra wo aakhir makaan chhod gaya
aqab mein gahra samundar hai saamne jangal
kis intiha pe mira meharbaan chhod gaya
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein