quadmon mein bhi takaan thi ghar bhi quareeb tha
par kya karein ki ab ke hi ajeeb tha
nikle agar toh dareeche mein ruk bhi jaae
is shahar-e-be-charaagh mein kis ka naseeb tha
aandhi ne un ruton ko bhi be-kaar kar diya
jin ka kabhi huma sa parinda naseeb tha
kuchh apne-aap se hi use kashmakash na thi
mujh mein bhi koi shakhs usi ka raqueeb tha
poochha kisi ne mol toh hairaan rah gaya
apni nigaah mein koi kitna ghareeb tha
maqtal se aane waali hawa ko bhi kab mila
aisa koi dareecha ki jo be-saleeb tha
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein