poora dukh aur aadha
hijr ki shab aur aisa
din mein wahshat bahal gai
raat hui aur nikla chaand
kis maqtal se guzra hoga
itna sahma sahma chaand
yaadon ki aabaad gali mein
ghoom raha hai tanha chaand
meri karwat par jaag uththe
neend ka kitna kachcha chaand
mere munh ko kis hairat se
dekh raha hai bhola chaand
itne ghane baadal ke peechhe
kitna tanha hoga chaand
aansoo roke noor nahaae
dil dariya tan sahra chaand
itne raushan chehre par bhi
sooraj ka hai saaya chaand
jab paani mein chehra dekha
tu ne kis ko socha chaand
bargad ki ik shaakh hata kar
jaane kis ko jhaanka chaand
baadal ke resham jhoole mein
bhor samay tak soya chaand
raat ke shaane par sar rakkhe
dekh raha hai sapna chaand
sookhe patton ke jhurmut par
shabnam thi yaa nanha chaand
haath hila kar rukhsat hoga
us ki soorat hijr ka chaand
sahra sahra bhatak raha hai
apne ishq mein sachcha chaand
raat ke shaayad ek baje hain
sota hoga mera chaand
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein