pa-b-gil sab hain rihaai ki kare tadbeer kaun
dast-basta shahar mein khole miri zanjeer kaun
mera sar haazir hai lekin mera munsif dekh le
kar raha hai meri fard-e-jurm ko tahreer kaun
aaj darwaazon pe dastak jaani pahchaani si hai
aaj mere naam laata hai miri taazeer kaun
koi maqtal ko gaya tha muddaton pahle magar
hai dar-e-khema pe ab tak soorat-e-tasweer kaun
meri chaadar toh chhini thi shaam ki mein
be-ridaai ko miri phir de gaya tashheer kaun
sach jahan pa-basta mulzim ke katahre mein mile
us adaalat mein sunega adl ki tafseer kaun
neend jab khwaabon se pyaari ho toh aise ahad mein
khawaab dekhe kaun aur khwaabon ko de taabeer kaun
ret abhi pichhle makaanon ki na waapas aai thi
phir lab-e- gharaunda kar gaya taameer kaun
saare rishte hijarton mein saath dete hain toh phir
shahar se jaate hue hota hai daaman-geer kaun
dushmanon ke saath mere dost bhi aazaad hain
dekhna hai kheenchata hai mujh pe pahla teer kaun
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein