mushkil hai ki ab shahar mein nikle koi ghar se
dastaar pe baat aa gai hoti hui sar se
barsa bhi toh kis dasht ke be-faiz badan par
ik umr mire khet the jis abr ko tarse
kal jo indhan ke liye kat ke gira hai
chidiyon ko bada pyar tha us boodhe shajar se
mehnat miri aandhi se toh mansoob nahi thi
rahna tha koi rabt shajar ka bhi samar se
khud apne se milne ka toh yaara na tha mujh mein
main bheed mein gum ho gai ke dar se
be-naam masaafat hi muqaddar hai toh kya gham
manzil ka taayyun kabhi hota hai safar se
pathraaya hai dil yoon ki koi ism padha jaae
ye shahar nikalta nahi jaadoo ke asar se
nikle hain toh raste mein kahin shaam bhi hogi
sooraj bhi magar aaega is rahguzar se
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein