kya kare meri maseehaai bhi karne waala
zakhm hi ye mujhe lagta nahi bharne waala
se kisi samjhaute ke ba-wasf ab tak
aata hai koi maarne marne waala
us ko bhi ham tire kooche mein guzaar aae hain
zindagi mein wo jo lamha tha sanwarne waala
us ka andaaz-e-sukhan sab se juda tha shaayad
baat lagti hui lahja wo mukarne waala
shaam hone ko hai aur aankh mein ik khawaab nahi
koi is ghar mein nahi raushani karne waala
dastaras mein hain anaasir ke iraade kis ke
so bikhar ke hi raha koi bikharne waala
isi ummeed pe har shaam bujhaae hain charaagh
ek taara hai sar-e-baam ubharne waala
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein