koo-b-koo phail gai baat shanaasaai ki
us ne ki tarah meri pazeeraai ki
kaise kah doon ki mujhe chhod diya hai us ne
baat toh sach hai magar baat hai ruswaai ki
wo kahin bhi gaya lauta toh mire paas aaya
bas yahi baat hai achchhi mire harjaai ki
tera pahloo tire ki tarah aabaad rahe
tujh pe guzre na quayaamat shab-e-tanhaai ki
us ne jalti hui peshaani pe jab haath rakha
rooh tak aa gai taaseer maseehaai ki
ab bhi barsaat ki raaton mein badan tootta hai
jaag uthti hain ajab khwaahishein angadaai ki
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein