kuchh toh hawa bhi sard thi kuchh tha tira khayaal bhi
ko khushi ke saath saath hota raha malaal bhi
baat wo aadhi raat ki raat wo poore ki
chaand bhi ain chait ka us pe tira jamaal bhi
sab se nazar bacha ke wo mujh ko kuchh aise dekhta
ek dafa toh ruk gai gardish-e-maah-o-saal bhi
dil toh chamak sakega kya phir bhi taraash ke dekh lein
sheesha-giraan-e-shahar ke haath ka ye kamaal bhi
us ko na pa sake the jab dil ka ajeeb haal tha
ab jo palat ke dekhiye baat thi kuchh muhaal bhi
meri talab tha ek shakhs wo jo nahi mila toh phir
haath dua se yoon gira bhool gaya sawaal bhi
us ki sukhan-taraaziyan mere liye bhi dhaal thin
us ki hansi mein chhup gaya apne ghamon ka haal bhi
gaah quareeb-e-shaah-rag gaah baeed-e-waham-o-khawaab
us ki rafaaquton mein raat hijr bhi tha wisaal bhi
us ke hi baazuon mein aur us ko hi sochte rahe
jism ki khwaahishon pe the rooh ke aur jaal bhi
shaam ki naa-samajh hawa poochh rahi hai ik pata
mauj-e-hawa-e-koo-e-yaar kuchh toh mira khayaal bhi
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein