kuchh faisla toh ho ki kidhar jaana chahiye
paani ko ab toh sar se guzar jaana chahiye
nashtar-b-dast shahar se chaaraagri ki lau
ai zakhm-e-be-kasi tujhe bhar jaana chahiye
har baar ediyon pe gira hai mira lahoo
maqtal mein ab b-tarz-e-digar jaana chahiye
kya chal sakenge jin ka faquat masaala ye hai
jaane se pahle rakht-e- jaana chahiye
saara jwaar-bhaata mire mein hai magar
ilzaam ye bhi chaand ke sar jaana chahiye
jab bhi gae azaab-e-dar-o-baam tha wahi
aakhir ko kitni der se ghar jaana chahiye
tohmat laga ke man pe jo dushman se daad le
aise sukhan-farosh ko mar jaana chahiye
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein