kamaal-e- ko khud bhi toh aazmaaoongi
main apne haath se us ki dulhan sajaaoongi
supurd kar ke use chaandani ke haathon mein
main apne ghar ke andheron ko laut aaoongi
badan ke karb ko wo bhi samajh na paaega
main mein rooongi aankhon mein muskuraaoongi
wo kya gaya ki rifaaqat ke saare lutf gae
main kis se rooth sakoongi kise manaaoongi
ab us ka fan toh kisi aur se hua mansoob
main kis ki nazm akele mein gungunaaoongi
wo ek rishta-e-benaam bhi nahi lekin
main ab bhi us ke ishaaron pe sar jhukaaoongi
bichha diya tha gulaabon ke saath apna wajood
wo so ke utthe toh khwaabon ki raakh uthaaoongi
samaaaton mein ghane jangalon ki saansein hain
main ab kabhi tiri aawaaz sun na paaoongi
jawaaz dhoond raha tha nai mohabbat ka
wo kah raha tha ki main us ko bhool jaaoongi
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein