justujoo khoe huon ki umr bhar karte rahe
ke hamraah ham har shab safar karte rahe
raaston ka ilm tha ham ko na samton ki khabar
shahar-e-naa-maaloom ki chaahat magar karte rahe
ham ne khud se bhi chhupaaya aur saare shahar ko
tere jaane ki khabar deewar-o-dar karte rahe
wo na aaega hamein maaloom tha is shaam bhi
intizaar us ka magar kuchh kar karte rahe
aaj aaya hai hamein bhi un udaanon ka khayaal
jin ko tere zom mein be-baal-o-par karte rahe
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein