harf-e-taaza nai mein likha chaahta hai
baab ik aur mohabbat ka khula chaahta hai
ek lamhe ki tawajjoh nahi haasil us ki
aur ye ki use had se siwa chaahta hai
ik hijaab-e-tah-e-iquraar hai maane warna
gul ko maaloom hai kya dast-e-saba chaahta hai
ret hi ret hai is dil mein musafir mere
aur ye sahra tira naqsh-e-kaf-e-pa chaahta hai
yahi khaamoshi kai rang mein zaahir hogi
aur kuchh roz ki wo shokh khula chaahta hai
raat ko maan liya dil ne muqaddar lekin
raat ke haath pe ab koi diya chaahta hai
tere paimaane mein gardish nahi baaqui saaqui
aur tiri bazm se ab koi utha chaahta hai
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein