gawaahi kaise tootti muaamla ka tha
mira aur us ka raabta toh haath aur ka tha
gulaab queemat-e-shaguft shaam tak chuka sake
ada wo dhoop ko hua jo quarz bhi saba ka tha
bikhar gaya hai phool toh hamin se poochh-gachh hui
hisaab baaghban se hai kiya-dhara hawa ka tha
lahoo-chasheeda haath us ne choom kar dikha diya
jaza wahan mili jahan ki marahla saza ka tha
jo baarishon se quabl apna rizque ghar mein bhar chuka
wo shahar-e-mor se na tha p doorbin bala ka tha
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein