gae mausam mein jo khilte the gulaabon ki tarah
pe utrenge wahi khawaab azaabon ki tarah
raakh ke dher pe ab basar karni hai
jal chuke hain mire kheme mire khwaabon ki tarah
saaat-e-deed ki aariz hain gulaabi ab tak
awwalin lamhon ke gulnaar hijaabon ki tarah
wo samundar hai toh phir rooh ko shaadaab kare
tishnagi kyoon mujhe deta hai saraabon ki tarah
ghair-mumkin hai tire ghar ke gulaabon ka shumaar
mere riste hue zakhmon ke hisaabon ki tarah
yaad toh hongi wo baatein tujhe ab bhi lekin
shelf mein rakkhi hui band kitaabon ki tarah
kaun jaane ki nae saal mein tu kis ko padhe
tera meaar badalta hai nisaabon ki tarah
shokh ho jaati hai ab bhi tiri aankhon ki chamak
gaahe gaahe tire dilchasp jawaabon ki tarah
hijr ki shab miri tanhaai pe dastak degi
teri khush-boo mire khoe hue khwaabon ki tarah
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein