dhanak dhanak miri poron ke khawaab kar dega
wo lams mere badan ko gulaab kar dega
quaba-e-jism ke har taar se guzarta hua
kiran ka pyar mujhe aaftaab kar dega
junoon-pasand hai aur tujh tak aane mein
badan ko naaw lahoo ko chanaab kar dega
main sach kahoongi magar phir bhi haar jaaoongi
wo jhoot bolega aur la-jawaab kar dega
ana-parast hai itna ki baat se pahle
wo uth ke band miri har kitaab kar dega
sukoot-e-shahar-e- mein wo phool sa lahja
samaaaton ki faza khawaab khawaab kar dega
isi tarah se agar chaahta raha paiham
sukhan-wari mein mujhe intikhaab kar dega
miri tarah se koi hai jo zindagi apni
tumhaari yaad ke naam intisaab kar dega
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein