charaagh-e- bujha kya ki rahnuma bhi gaya
hawa ke saath musafir ka naqsh-e-pa bhi gaya
main chunti rahi aur mujhe khabar na hui
wo shakhs aa ke mire shahar se chala bhi gaya
bahut azeez sahi us ko meri dildaari
magar ye hai ki kabhi dil mira dukha bhi gaya
ab un dareechon pe gahre dabeez parde hain
wo taank-jhaank ka masoom silsila bhi gaya
sab aae meri ayaadat ko wo bhi aaya tha
jo sab gae toh mira dard-aashna bhi gaya
ye ghurbatein miri aankhon mein kaisi utri hain
ki khawaab bhi mire rukhsat hain ratajga bhi gaya
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein