chalne ka hausla nahi rukna muhaal kar diya
ke is safar ne toh mujh ko nidhaal kar diya
ai miri -zamin tujhe chaah thi ik kitaab ki
ahal-e-kitaab ne magar kya tira haal kar diya
milte hue dilon ke beech aur tha faisla koi
us ne magar bichhadte waqt aur sawaal kar diya
ab ke hawa ke saath hai daaman-e-yaar muntazir
baanoo-e-shab ke haath mein rakhna sambhaal kar diya
mumkina faislon mein ek hijr ka faisla bhi tha
ham ne toh ek baat ki us ne kamaal kar diya
mere labon pe mohar thi par mere sheesha-roo ne toh
shahar ke shahar ko mira waaquif-e-haal kar diya
chehra o naam ek saath aaj na yaad aa sake
waqt ne kis shabeeh ko khawaab o khayaal kar diya
muddaton baad us ne aaj mujh se koi gila kiya
mansab-e-dilabri pe kya mujh ko bahaal kar diya
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein