bichhda hai jo ik baar toh milte nahi dekha
is zakhm ko ham ne kabhi silte nahi dekha
ik baar jise chaat gai dhoop ki khwaahish
phir shaakh pe us ko khilte nahi dekha
yak-lakht gira hai toh jadein tak nikal aain
jis ped ko aandhi mein bhi hilte nahi dekha
kaanton mein ghire ko choom aaegi lekin
titli ke paron ko kabhi chhilte nahi dekha
kis tarah miri rooh hari kar gaya aakhir
wo zahar jise jism mein khilte nahi dekha
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein