bakht se koi shikaayat hai na aflaak se hai
yahi kya kam hai ki nisbat mujhe is se hai
khawaab mein bhi tujhe bhooloon toh rawa rakh mujh se
wo rawayya jo hawa ka khas-o-khaashaak se hai
bazm-e-anjum mein quaba ki pahni main ne
aur miri saari fazeelat isi poshaak se hai
itni raushan hai tiri subh ki hota hai guman
ye ujaala toh kisi deeda-e-namnaak se hai
haath toh kaat diye kooza-garon ke ham ne
mojize ki wahi ummeed magar chaak se hai
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein