baarish hui toh phoolon ke tan chaak ho gae
mausam ke haath bheeg ke saffaak ho gae
baadal ko kya khabar hai ki baarish ki chaah mein
kaise buland-o-baala shajar ho gae
jugnoo ko din ke waqt parakhne ki zid karein
bachche hamare ahad ke chaalaak ho gae
lahra rahi hai barf ki chaadar hata ke ghaas
sooraj ki shah pe tinke bhi bebaak ho gae
basti mein jitne aab-gazeeda the sab ke sab
ke rukh badalte hi tairaak ho gae
sooraj-dimaagh log bhi ablaagh-e-fikr mein
zulf-e-shab-e-firaaque ke pechaak ho gae
jab bhi ghareeb-e-shahar se kuchh guftugoo hui
lahje hawa-e-shaam ke namnaak ho gae
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein