ashk aankh mein phir atak raha hai
kankar sa koi khatak raha hai
main us ke khayaal se gurezan
wo meri sada jhatak raha hai
tahreer usi ki hai magar
khat padhte hue atak raha hai
hain fon pe kis ke saath baatein
aur zehan kahan bhatak raha hai
sadiyon se mein hai samundar
saahil pe thakan tapak raha hai
ik chaand saleeb-e-shaakh-e-gul par
baali ki tarah latak raha hai
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein