apni mire naam pe aabaad kare
kaun hoga jo mujhe us ki tarah kare
dil ajab shahar ki jis par bhi khula dar is ka
wo musafir ise har samt se barbaad kare
apne quatil ki zehaanat se pareshaan hoon main
roz ik maut nae tarz ki ijaad kare
itna hairan ho miri be-talbi ke aage
wa quafas mein koi dar khud mira sayyaad kare
salb-e-beenaai ke ahkaam mile hain jo kabhi
raushani chhoone ki khwaahish koi shab-zaad kare
soch rakhna bhi jaraaem mein hai shaamil ab toh
wahi masoom hai har baat pe jo saad kare
jab lahoo bol pade us ke gawaahon ke khilaaf
quazi-e-shahar kuchh is baab mein irshaad kare
us ki mutthi mein bahut roz raha mera wajood
mere saahir se kaho ab mujhe aazaad kare
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein