apni hi sada sunoon kahan tak
jangal ki hawa rahoon kahan tak
har baar hawa na hogi dar par
har baar magar uthoon kahan tak
dam ghatta hai ghar mein habs wo hai
khushboo ke liye rukoon kahan tak
phir aa ke hawaaein khol dengi
zakhm apne rafoo karoon kahan tak
saahil pe samundaron se bach kar
main naam tira likhoon kahan tak
ka ek ek lamha
hangaamon se quarz loon kahan tak
gar lams nahi toh lafz hi bhej
main tujh se juda rahoon kahan tak
sukh se bhi toh dosti kabhi ho
dukh se hi gale miloon kahan tak
mansoob ho har kiran kisi se
apne hi liye jaloon kahan tak
aanchal mire bhar ke phat rahe hain
us ke liye chunoon kahan tak
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein