aks-e- hoon bikharne se na roke koi
aur bikhar jaaoon toh mujh ko na samete koi
kaamp uthti hoon main ye soch ke mein
mere chehre pe tira naam na padh le koi
jis tarah khawaab mire ho gae reza reza
us tarah se na kabhi toot ke bikhre koi
main toh us din se hiraasan hoon ki jab hukm mile
khushk phoolon ko kitaabon mein na rakkhe koi
ab toh is raah se wo shakhs guzarta bhi nahi
ab kis ummeed pe darwaaze se jhaanke koi
koi aahat koi aawaaz koi chaap nahi
dil ki galiyan badi sunsaan hain aae koi
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein