agarche tujh se bahut ikhtilaaf bhi na hua
magar ye tiri jaanib se saaf bhi na hua
taalluquat ke barzakh mein hi rakha mujh ko
wo mere haque mein na tha aur khilaaf bhi na hua
ajab tha jurm-e-mohabbat ki jis pe ne mire
saza bhi paai nahi aur muaaf bhi na hua
malaamton mein kahan saans le sakenge wo log
ki jin se koo-e-jafa ka tawaaf bhi na hua
ajab nahi hai ki dil par jami mili kaai
bahut dinon se toh ye hauz saaf bhi na hua
hawa-e-dahar hamein kis liye bujhaati hai
hamein toh tujh se kabhi ikhtilaaf bhi na hua
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein