ab itni saadgi laaein kahan se
zamin ki khair maangein aasman se
agar chaahein toh wo deewar kar dein
hamein ab kuchh nahi kahna zaban se
sitaara hi nahi jab saath deta
toh kashti kaam le kya baadban se
bhatakne se mile fursat toh poochhein
pata ka meer-e-kaarwan se
tawajjoh barque ki haasil rahi hai
so hai aazaad fikr-e-aashiyan se
hawa ko raaz-dan ham ne banaaya
aur ab naaraaz ke bayan se
zaroori ho gai hai dil ki zeenat
makin pahchaane jaate hain makan se
fanaa-fil-ishq hona chaahte the
magar fursat na thi kaar-e-jahan se
wagarna fasl-e-gul ki quadr kya thi
badi hikmat hai waabasta khizan se
kisi ne baat ki thi hans ke shaayad
zamaane bhar se hain ham khud guman se
main ik ik teer pe khud dhaal banti
agar hota wo dushman ki kaman se
jo sabza dekh kar kheme lagaaein
unhein takleef kyoon pahunche khizan se
jo apne ped jalte chhod jaaein
unhein kya haque ki roothein baaghban se
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein