ab bhala chhod ke ghar kya karte
shaam ke waqt kya karte
teri masroofiytein jaante hain
apne aane ki khabar kya karte
jab sitaare hi nahi mil paae
le ke ham shams-o-quamar kya karte
wo musafir hi khuli dhoop ka tha
saae phaila ke shajar kya karte
hi awwal o aakhir thahri
kar ke zarre ko guhar kya karte
raay pahle se bana li tu ne
dil mein ab ham tire ghar kya karte
ishq ne saare saleeque bakhshe
husn se kasb-e-hunar kya karte
Responses
No comments yet. Be the first to respond.
samundaron ke adhar se koi sada aai
dilon ke band dareeche khale hua aai
sarak gae the jo aanchal wo phir sanwaare gae
khale hue the jo sar un pe phir rida aai
utar rahi hain ajab khoshboyin rag w pay mein
ye kis ko chhoo ke mire shahar mein saba aai
use pukaara toh honton pe koi naam na tha
mohabbaton ke safar mein ajab faza aai
kahin rahe wo magar khairiyat ke saath rahe
uthaae haath toh yaad ek hi dua aai
ruki hui hai abhi tak bahaar aankhon mein
shab wisaal ka jaise khumaar aankhon mein