jab se quareeb ho ke chale se ham
khud apne aaine ko lage ajanbi se ham
kuchh door chal ke raaste sab ek se lage
milne gae kisi se mil aae kisi se ham
achchhe bure ke farque ne basti ujaad di
majboor ho ke milne lage har kisi se ham
shaaista mahfilon ki fazaaon mein zahar tha
zinda bache hain ki aawaargi se ham
achchhi bhali thi duniyaa guzaare ke waaste
uljhe hue hain apni hi khud-aaghi se ham
jangal mein door tak koi dushman na koi dost
maanoos ho chale hain magar bambai se ham
Responses
No comments yet. Be the first to respond.
masajdin hain namaazeewan ke liye
apne ghar mein kahin khuda rakhna
jism mein pheelne laga hai shahar
apni tanhaaiyan bacha rakhna
milna jalna jahan zaroori hai
milne jalne ka hausla rakhna
umr karne ko hai pachaas ko paar
kaun hai kis jagah pata rakhna
zamin di hai toh thoda sa aasman bhi de
mire khuda mire hone ka kuchh guman bhi de
bana ke but mujhe beenaai ka azaab na de
ye hi azaab hai quismat toh phir zaban bhi de