girja mein mandiron mein azaanon mein bat gaya
hote hi subh aadmi khaanon mein bat gaya
ik naam ka jo parinda khala mein tha
utra jo shahar mein toh dukaanon mein bat gaya
pahle talaasha khet phir ki khoj ki
baaqui ka waqt gehoon ke daanon mein bat gaya
jab tak tha aasmaan mein sooraj sabhi ka tha
phir yoon hua wo chand makaanon mein bat gaya
hain taak mein shikaari nishaana hain bastiyan
aalam tamaam chand machaanon mein bat gaya
khabron ne ki musawwari khabrein ghazal banin
zinda lahoo toh teer kamaanon mein bat gaya
Responses
No comments yet. Be the first to respond.
masajdin hain namaazeewan ke liye
apne ghar mein kahin khuda rakhna
jism mein pheelne laga hai shahar
apni tanhaaiyan bacha rakhna
milna jalna jahan zaroori hai
milne jalne ka hausla rakhna
umr karne ko hai pachaas ko paar
kaun hai kis jagah pata rakhna
zamin di hai toh thoda sa aasman bhi de
mire khuda mire hone ka kuchh guman bhi de
bana ke but mujhe beenaai ka azaab na de
ye hi azaab hai quismat toh phir zaban bhi de